Humb jetën një person në Fushë Kosovë, hapet rast në polici

Sot në stacionin policor të Fushë Kosovës, është inicuar një rast “Hetim mbi vdekje”.

Lajmin për portalin rtv21.tv e ka konfirmuar zëdhënësja e policisë për rajonin e Prishtinës, Flora Ahmeti, e cila ka thënë se rasti ka ndodhur në rrugën “Agron Rrahmani”, ku një 77 vjeçar ka ndërruar jetë.

“Sot në stacionin policor të Fushë Kosovës, është iniciuar një rast Hetim mbi vdekje. Rasti ka ndodhë në rrugën Agron Rrahmani në Fushë Kosovë, ku ka humbur jetën viktima mashkull, 77 vjeç. Rasti është duke u hetuar nga njësitet kompetente në koordinim me prokurorinë”, tha Ahmeti. /21Media