Bekim Haxhiu i PDK-së ankohet në PZAP
Kandidati për deputet nga radhët e PDK-së, Bekim Haxhiu, bën të ditur se ka dorëzuar një ankesë zyrtare në Panelin Zgjedhor për Ankesa dhe Parashtresa (PZAP), duke e akuzuar Komisionin Qendror të Zgje
Kandidati për deputet nga radhët e PDK-së, Bekim Haxhiu, bën të ditur se ka dorëzuar një ankesë zyrtare në Panelin Zgjedhor për Ankesa dhe Parashtresa (PZAP), duke e akuzuar Komisionin Qendror të Zgjedhjeve (KQZ) për shkelje serioze të ligjit zgjedhor.
Sipas Haxhiut, ligji parasheh që fletëvotimet me postë të pranohen vetëm deri më 29 dhjetor 2025, ora 16:00, ndërsa KQZ, sipas tij, ka pranuar dhe numëruar mbi 23 mijë vota që kanë mbërritur pas këtij afati.
Ai ka theksuar se kjo nuk është çështje teknike, por shkelje e drejtpërdrejtë e ligjit, duke shtuar se asnjë vendim administrativ nuk mund të ndryshojë afatet ligjore.
Haxhiu ka deklaruar se kjo paligjshmëri ka pasur pasoja konkrete në ndarjen e mandateve dhe renditjen e kandidatëve, ndërsa ka theksuar se nuk po kërkon privilegj, por zbatim të barabartë dhe strikt të ligjit për të gjithë.
“Kjo paligjshmëri ka prodhuar pasoja konkrete. Ka ndikuar në ndarjen e mandateve dhe në renditjen e kandidatëve. Nuk kërkoj privilegj. Kërkoj vetëm zbatim të barabartë dhe strikt të ligjit për të gjithë. Mbrojtja e votës së ligjshme është mbrojtje e demokracisë. Pa ligj, nuk ka zgjedhje të ndershme”, ka shkruar Haxhiu në Facebook.
Në zgjedhjet e 28 dhjetorit, Bekim Haxhiu kandidat për deputet nga radhët e PDK-së mori mbi 21 mijë vota (21.079) sipas rezultateve preliminare të Komisionit Qendror të Zgjedhjeve (KQZ).
Ani se Haxhiu ishte i 20-i më i votuari në PDK, nuk siguroi vend në Kuvendin e Kosovës si rrjedhojë e kuotës gjinore.
Policia shton masat e sigurisë për “Sunny Hill”, paralajmëron bllokime rrugësh
Rrezik për jetën e punëtorëve, pezullohen punimet në dy kantiere ndërtimi në Prizren e Suharekë
Të shtunën i jepet lamtumira e fundit Lisa Milicaj Bajraktarit, RTV21 ju shpeh ngushëllime familjarëve
Në Prishtinë nis gjykimi në mungesë kundër 21 të akuzuarve për Masakrën e Reçakut
Bashkëpunimi Kosovë–SHBA , AFA kërkon rifillimin e dialogut strategjik
Ekstradohet nga Kosova për në Suedi, i kërkuari me letër rreshtim ndërkombëtar
Më të fundit
Të gjitha →
Katër të akuzuarit në rastin “Toka 2” dënohen me gjithsej 32 vjet burgim
Kuvendi i LDK-së me vendim përcaktoi si orientim angazhimin për shmangie të zgjedhjeve
Sunny Hill hap dyert sot, Kosova bëhet qendra e muzikës për tri ditë
