“Vrasje në tentativë”, dorëzohen në Polici dy të dyshuarit
Janë vetëdorëzuar sot në polici dy të dyshuarit për veprën penale “vrasje në tentativë” të ndodhur më 10 korrik të këtij viti, në Mitrovicë. Për dy të dyshuarit një ditë më parë ishin publikuar edhe f
Janë vetëdorëzuar sot në polici dy të dyshuarit për veprën penale “vrasje në tentativë” të ndodhur më 10 korrik të këtij viti, në Mitrovicë.
Për dy të dyshuarit një ditë më parë ishin publikuar edhe fotografitë e tyre, pasi që ishin shpallur në kërkim.
“Dy të dyshuarit F.Xh.,31 vjeçar dhe A.Xh.,22 vjeçar, janë vetdorëzuar sot në polici, pasi një ditë më parë ishin publikuar fotografitë e tyre të shpallur në kërkim si të dyshuar për veprën penale vrasje në tentativë e ndodhur me datën 10.07.2024 në rrugën “Evlia Qelebia” në Mitrovicë, ku në këtë rast një person ka mbetur i plagosur nga arma e zjarrit”, thuhet në njoftimin e policisë.
Sipas njoftimit të policisë tek njëri i dyshuar është gjetur dhe sekuestruar një armë e llojit pistoletë e cila dyshohet se është përdorur në veprën penale.
“Lidhur me rastin dhe veprimet e ndërmarra hetimore tek i dyshuari A XH. është gjetur dhe sekuestruar një armë e llojit pistoletë e cila dyshohet se është përdorur në veprën penale. Ndërsa pas procedurave të intervistimit me urdhër të prokurorit të rastit dy të dyshuarve u është caktuar masa e ndalimit për 48 orë”, thuhet më tutje në njoftim.
Shpëtohet mrekullisht një fëmijë pas rënies në ujë në Motrovicë
Gjenden dëshmi se një prej të arrestuarve në Zubin-Potok ishte pjesë aktive e armatës jugosllave
Nesër ndalohet përkohësisht qarkullimi i kamionëve mbi 20 tonë në autoudhë
Zja*i te objekti në rrugën “B” në Prishtinë, policia: Nuk ka të lënduar
Prishtina “mbushet” për Sunny Hill: 95% e akomodimeve janë të rezervuara këtë fundjavë
