​Maresca mohon bisedimet për largimin e Rodrit

Trajneri i Manchester City, Enzo Maresca, ka deklaruar se klubi nuk ka zhvilluar bisedime për të ardhmen e mesfushorit Rodri, i cili është lidhur me një transferim të mundshëm te Real Madrid.

Duke folur në Hong Kong para ndeshjes miqësore ndaj Interit, Maresca tha se prioriteti i Rodrit pas përfundimit të sezonit ishte pjesëmarrja në Kupën e Botës dhe tani lojtari është duke shijuar pushimet.

“Fokusi kryesor për të kur përfundoi sezoni ishte Kupa e Botës. Tani ai po shijon pushimin pas saj”, u shpreh Maresca.

Trajneri i Cityt theksoi se nuk ka pasur diskutime të veçanta për të ardhmen e mesfushorit spanjoll.

“Nuk kemi pasur bisedime që kanë të bëjnë vetëm me Rodrin. E kam thënë edhe në konferencën e parë se çdo trajner në botë do ta dëshironte Rodrin, sepse është një lojtar i nivelit të lartë. Ai është shumë i rëndësishëm për mua, për klubin dhe për të gjithë”, shtoi ai.

Rodri, i cili është një nga shtyllat kryesore të Manchester Cityt, ka qenë në qendër të vëmendjes gjatë kësaj vere, me Real Madridin që raportohet se e sheh si një objektiv afatgjatë.

Maresca ndërkohë insistoi se pushimi është i rëndësishëm për lojtarët para një sezoni të gjatë, ku skuadrat do të luajnë ndeshje çdo tri ditë.