Shtëpia e Bardhë i bën thirrje Kinës të mos mbështesë luftën e Rusisë në Ukrainë

Shtëpia e Bardhë i ka kërkuar Kinës që të mos e mbështesë Rusinë në luftën e saj kundër Ukrainës, teksa presidenti rus, Vladimir Putin takohet me presidentin kinez Xi Jinping.
Administrata e Biden thotë se e gjithë bota duhet të jetë në një linjë kundër agresionit të Rusisë në Ukrainë dhe të mos mbetet anash.
Presidenti rus dhe lideri i Kinës po takohen në prag të një samiti për të diskutuar sigurinë aziatike, që synon të veprojë si kundërpeshë ndaj ndikimit të SHBA-së.
Ai përfshin gjithashtu Indinë, Pakistanin dhe katër vende ish-sovjetike në Azinë Qendrore.
Zëdhënësi i Shtëpisë së Bardhë, John Kirby, i tha CNN në një intervistë të enjten: “Ne nuk mendojmë se askush duhet të jetë mënjanë. E gjithë bota duhet të rreshtohet kundër asaj që po bën Putin”.
“Kjo nuk është koha për asnjë lloj biznesi si zakonisht me Putin”, tha ai.
Samiti i Organizatës së Bashkëpunimit të Shangait në qytetin Uzbekistan të Samarkandit është takimi i parë ballë për ballë i zotit Putin dhe Xi që kur trupat ruse pushtuan Ukrainën në shkurt. /21Media