SHBA-ja e gatshme t’i dërgojë Ukrainës më shumë sisteme armësh

Shtetet e Bashkuara janë të gatshme të dërgojnë më shumë sistemeve të armëve që kërkojnë trajnim shtesë në Ukrainë, sipas një zyrtari të lartë të mbrojtjes.
“Nëse ne përcaktojmë në bashkëpunim me ukrainasit se ka sisteme shtesë që ata kanë nevojë që ne mund t’i ofrojmë, por që mund të kërkojnë një trajnim, atëherë sigurisht që jemi të gatshëm të flasim me ta për këtë”, tha zyrtari, përcjell rtv21.tv
Zyrtari tha se fakti që sistemet mund të kërkojnë më shumë trajnime nuk është ndalues, raporton BBC.
Zyrtari përdori shembullin e dronëve Switchblade. Forcat ukrainase nuk u trajnuan me dronët vetëvrasës, por SHBA-ja vendosi që sistemi mund të ndihmonte ushtrinë ukrainase dhe gjetën një mënyrë për të trajnuar një numër të vogël të forcave ukrainase në 24 deri në 48 orë.
“Sisteme të tjera thjesht do të duhet t’i shohim, por nuk është e ndaluar në mendjen tonë që, vetëm për shkak se diçka mund të ketë nevojë për trajnim shtesë, ne nuk duhet ta ofrojmë atë”, tha zyrtari./21Media