Peci: Nëse dikush mendon se me masa policore mund të integrohet veriu e ka shumë gabim

(Lajm i përditësuar)

Peci: Nëse dikush mendon se me masa policore mund të integrohet veriu e ka shumë gabim

Ish ambasadroi Lulzim Peci në emisionin “Click” në RTV21 e vlerësoi si të gabuar idenë se me masa policore mund të integrohet veriu i Kosovës.

“Nëse dikush mendon se me masa policore mund të integrohet veriu e ka shumë gabim, veriu do të integrohet në atë moment kur të fitohen mendjet edhe zemrat e popullatës serbe në atë pjesë të vendit”, tha ai.

Peci u shpreh se një gjë e tillë mund të arrihet duke krijuar mirëbesim. Sipas tij serbët e Ksoovës frikësohen.

“Neve na duket kjo iluzionare, për duhet ta kuptojmë se ata qëndrojnë në mes të pritjeve të ambicieve që i kanë nga Serbia si shtet edhe realitetit të jetesës në Kosovën e pavarur.”, tha ai.

Peci e cilëson serioz faktin që Serbia bleu 12 avionë nga Franca

Analisti Lulzim Peci vlerësoi në emisionin “Click” vlerësoi se se Ballkani Perëndimor ka hyrë në dilemën e sigurisë duke përmendur kështu armatosjen e disa prej shteteve të këtij rajoni.

“Problemi kyç në Ballkan është që ka marrë armatim më tepër se sa që I duhet për mbrojtje është Serbia, është eklatante”, tha Peci.

Ai e cilësi si serioze faktin se Serbia bleu e 12 avionë nga Franca megjithatë Peci shtoi se nuk mund të bëjë “mrekulli me ta”

“Është serioze është teknologjia e fundit e aeroplanave ushtarak të Francave, por kjo e ka edhe dimensionin e tjetër politik, tendenca e Francës së paku ashtu po mendon administrate Serbia më ketë hap po tenton që të kthehet diqysh kah Perëndimi”, tha ai./21Media