Krasniqi: Thirrja për shpërndarjen e Kuvendit nuk ka gjetur mbështetjen e mjaftueshme
(Lajm i përditësuar)
Krasniqi: Nuk kuptoj se si Qeveria thotë ejani shkojmë në zgjedhje e opozita nuk pranon
Kryetari i Partisë Demokratike të Kosovës (PDK), Memli Krasniqi në një konferencë për media tha se është i habitur se si partitë opozitare nuk kanë gjetur bashkëpunim për të shkuar në zgjedhje.
”Refuzimi për shkuarjen në zgjedhje të hershme për mua mbetet befasuses, nuk dëshirojë të spekuloj që partitë opozitare nuk janë të gatshme, por nuk e kuptoj se si qeveria thotë ejani shkojmë në zgjedhje se jam e gatshme, kurse opozita thotë vazhdo mandatin”, tha Krasniqi.
Krasniqi: Thirrja për shpërndarjen e Kuvendit nuk ka gjetur mbështetjen e mjaftueshme
Kryetari i Partisë Demokratike të Kosovës (PDK), Memli Krasniqi në një konferencë për media tha se propozimi për shpërndarjen e kuvendit nuk ka gjetur mbështetje nga partitë opozitare.
‘’Sot më 29 maj duke ndjerë keqardhje për qytetarët, se thirrja për shpërndarjen nuk ka gjet mbështetjen e mjaftueshme’’, tha Krasniqi.
Krasniqi tutje ka thënë se Kosova po humb kohë të vlefshme me këtë qeverisje.
“Unë mund të hamendësoj për arsyet e gatishmërisë deklarative së partisë në pushtet për të shkuar në zgjedhje të parakohshme, por vërtetë jam i habitur nga mosgatishmëria e partive opozitare për ta bërë një gjë të tillë, sepse mos shkuarja në zgjedhe efektivisht po ia zgjatë mandatin pushtetit aktual”, tha Krasniqi./21Media
