Konjufca: Shpresoj të kem më shumë se 16 mijë vota
Nënkryetari i Lëvizjes Vetëvendosje, Glauk Konjufca , i ftuar në emisionin Argumet Plus të RTV21, tha se ende nuk di saktësisht sa vota ka marr gjithsej në zgjedhjet e 11 qershorit.
“ Procesi është duke vazhduar ende dhe pritet të përmbyllet pas tri apo katër ditësh, ku secili deputet do ta dijë numrin e saktë të votave”, tha Konjufca, shkruan rtv21.tv
Ai rikujtoi se në zgjedhjet e vitit 2011 dhe ato të 2014 ka pasur numër të njëjtë të votave, diku rreth 16 mijë.
“Nuk e di sa kam kësaj radhe, shpresoj të kem më shumë se 16 mijë meqenëse edhe Lëvizja Vetëvendosje u dyfishua në këto zgjedhje”, shtoi Konjufca.
Sipas tij, kandidatët e VV ishin më tepër të përqendruar në përqindjen që do ta marr subjekti sesa ata./21Media
