FIFA ka njoftuar se nuk ka gjetur asnjë provë se arbitri australian Shaun Evans ka shkelur kodin e saj disiplinor, pasi ai ishte akuzuar se bëri një gjest me dorë të lidhur me supremacinë e bardhë gjatë një ndeshje të Kupës së Botës 2026.
"Komiteti i Pavarur Disiplinor i FIFA-s mund të konfirmojë se, pas shqyrtimit të çështjes që përfshin arbitrin ndihmës video Shaun Evans, nuk u gjet asnjë provë për shkelje të Kodit Disiplinor të FIFA-s", thuhet në deklaratën e organizatës dërguar me e-mail mediave të hënën.
Evans kishte thënë më parë se nuk kishte pasur qëllim të komunikonte asnjë "mesazh, përkatësi, lojë apo besim të çfarëdo lloji" me gjestin e tij.
Hetim i shpejtë
FIFA nisi hetimin pasi pamjet e gjestit të Evans u përhapin gjerësisht në rrjetet sociale, duke shkaktuar reagime të forta nga publiku dhe organizata të ndryshme. Komiteti disiplinor i organizatës shqyrtoi materialin dhe arriti në përfundimin se nuk kishte bazë për masa disiplinore ndaj arbitrit australian.
Evans vazhdon të jetë pjesë e stafit arbitral në Kupën e Botës 2026, turneu i parë që mbahet me 48 skuadra.
