Gruaja lind para kohe në QKUK, dyshohet si pasojë e dhunës nga burri
Dhuna në familje dyshohet të jetë arsyeja që një grua lindi para kohe foshnjën e saj, të dielën në Qendrën Klinikë dhe Universitare të Kosovës. Drejtori i Gjinekologjisë, Zef Ndrejaj konfirmoi se Poli
Dhuna në familje dyshohet të jetë arsyeja që një grua lindi para kohe foshnjën e saj, të dielën në Qendrën Klinikë dhe Universitare të Kosovës.
Drejtori i Gjinekologjisë, Zef Ndrejaj konfirmoi se Policia e Kosovës është lajmëruar nga personeli i Klinikës, pasi që kanë parë shenjat e dhunës.
“Pacientja është pranuar të dielën dhe ka lindur menjëherë. Ka qenë e dhunuar, fizikisht e maltretuar. Është lajmëruar menjëherë policia prej personelit, kanë ardhë, kanë qëndru me të derisa është kry lindja” – tha Ndrejaj.
Sipas drejtorit, gjendja e nënës dhe foshnjës që vazhdojnë të jenë në klinikë, është stabile, ndonëse janë në përcjellje të doktorëve.
“Pacientja ka nevojë për ekzaminime shtesë, ka dhimbje të kokës, e ka kërkuar neurologu një CT të kokës. Në përgjithësi është mirë. Edhe foshnja është mirë, është pak para kohës, mirëpo jemi në përcjellje” – shtoi ai.
Drejtori Ndrejaj gjithashtu tha se sipas informacioneve nga punëtori social, i dyshuari, bashkëshorti i saj është marrë nga policia./kallxo
Shpëtohet mrekullisht një fëmijë pas rënies në ujë në Motrovicë
Gjenden dëshmi se një prej të arrestuarve në Zubin-Potok ishte pjesë aktive e armatës jugosllave
Nesër ndalohet përkohësisht qarkullimi i kamionëve mbi 20 tonë në autoudhë
Zja*i te objekti në rrugën “B” në Prishtinë, policia: Nuk ka të lënduar
Prishtina “mbushet” për Sunny Hill: 95% e akomodimeve janë të rezervuara këtë fundjavë
