“Çdo ish-luftëtar i lirisë duhet të përgjigjet me korrektësi para Gjykatës Speciale”
Sipas Thaçit, luftëtarët nuk i kanë ikur asnjëherë drejtësisë Presidenti i vendit, Hashim Thaçi është deklaruar rreth ftesave të Prokurorisë Speciale për ish-pjesëtarë të UÇK-së. Ai është shprehur se
Sipas Thaçit, luftëtarët nuk i kanë ikur asnjëherë drejtësisë
Presidenti i vendit, Hashim Thaçi është deklaruar rreth ftesave të Prokurorisë Speciale për ish-pjesëtarë të UÇK-së. Ai është shprehur se luftëtarët e Kosovës kaluan nëpër sisteme të njëpasnjëshme gjyqësore për të dëshmuar të vërtetën dhe drejtësinë, andaj edhe tani sipas Thaçit, çdo ish-luftëtar i lirisë duhet të përgjigjet me korrektësi para Gjykatës Speciale.
Presidenti Thaçi ka theksuar se luftëtarët tanë çdoherë kanë qenë shembull në rajon, duke iu përgjigjur dhe mos i ikur asnjëherë drejtësisë.
“Kosova beson në të vërtetën, në drejtësinë dhe në procese transparente. Vetëm kështu mund ta ndërtojmë Kosovën evropiane, në rrugëtimin e saj të sigurt drejt NATO-s dhe Bashkimit Evropian”, ka shkruar Thaçi ndër të tjera në facebook.
Tanimë kanë filluar ftesat nga Prokuroria Speciale për ish-pjesëtarë të UÇK-së. Zyra e Prokurorit të Specializuar merret me hetimin e krimeve kundër njerëzimit, krimeve të luftës dhe veprave tjera penale në lidhje me akuzat nga Raporti i Këshillit të Evropës i vitit 2011, në të cilin thuhet që gjoja se krimet i kanë kryer pjesëtarët e Ushtrisë Çlirimtare të Kosovës gjatë periudhës 1998 deri në vitin 2000./21Media
Shpëtohet mrekullisht një fëmijë pas rënies në ujë në Motrovicë
Gjenden dëshmi se një prej të arrestuarve në Zubin-Potok ishte pjesë aktive e armatës jugosllave
Nesër ndalohet përkohësisht qarkullimi i kamionëve mbi 20 tonë në autoudhë
Zja*i te objekti në rrugën “B” në Prishtinë, policia: Nuk ka të lënduar
Prishtina “mbushet” për Sunny Hill: 95% e akomodimeve janë të rezervuara këtë fundjavë
