Bie numri i nxënësve dhe i studentëve

Agjencia e Statistikave të Kosovës (ASK) në bashkëpunim me Ministrinë e Arsimit dhe Shkencës (MASH), ka publikuar Statistikat e Arsimit për vitin shkollor 2025/2026.

Numri i përgjithshëm i nxënësve dhe studentëve në sektorin publik dhe privat

Rritje e lehtë e numrit të fëmijëve në çerdhe dhe parashkollor

Numri i fëmijëve në çerdhe dhe parashkollor për vitin shkollor 2025/2026 ishte 35 948, ku krahasuar me vitin paraprak (2024/2025), që ishte 34 038 fëmijë, kishte një rritje të lehtë të numrit prej 1 910 fëmijë më shumë.

Në sektorin publik në vitin shkollor 2025/2026 ishin 24 422 fëmijë ose 67,9 %, ndërsa në sektorin privat ishin 11 526 fëmijë ose 32,1 %, ndërkaq me vitin paraprak (2024/2025) në sektorin publik ishin 23 349 fëmijë ose 68,6 %, ndërsa në sektorin privat ishin 10 689 fëmijë ose 31,4 %.

Rënie e lehtë e numrit të nxënësve në arsimin fillor dhe të mesëm të ulët

Numri i nxënësve në arsimin fillor dhe të mesëm të ulët në vitin shkollor 2025/2026 ishte 198 639, prej tyre në sektorin publik ishin 194 314 ose 97,8 % dhe në sektorin privat 4 325 ose 2,2 %. Ndërkaq, në vitin shkollor 2024/2025 numri i nxënësve ishte 208 515, prej tyre në sektorin publik ishin 199 190 ose 95,5 % dhe në sektorin privat 9 325 ose 4,5 %.

Nga kjo mund të shihet se sektori publik ka një rritje të numrit të përgjithshëm, kurse sektori privat ka një rënie të lehtë të numrit të nxënësve krahasuar me vitin 2024/2025.

Më pak nxënës të regjistruar në arsimin e mesëm të lartë

Numri i nxënësve në arsimin e mesëm të lartë në vitin 2025/2026 ishte 62 085, prej tyre në sektorin publik ishin 56 892 ose 91,6 % dhe në sektorin privat ishin 5 193 ose 8,4 %. Ndërkaq, në vitin paraprak 2024/2025 ishte 63 551, prej tyre në sektorin publik ishin 58 337 ose 91,8 %, ndërsa në sektorin privat ishin 5 214 ose 8,2 %. Nga kjo mund të shihet se ka rënie të numrit të përgjithshëm të nxënësve. Kurse te sektori privat ka një rritje të lehtë të numrit të nxënësve.

Rënie e lehtë e numrit të studentëve krahasuar me një vit më parë

Numri i përgjithshëm i studentëve në arsimin e lartë në vitin 2025/2026 ishte 64 671, prej tyre në universitetet publike ishin 34 208 studentë ose 52,9 %, ndërsa në kolegjet private ishte 30 463 studentë ose 47,1 %. Krahasuar me vitin paraprak 2024/2025, ka një rënie të lehtë të numrit të përgjithshëm të studentëve. Pra, në 2024/2025 ishin 64 817 studentë, prej tyre në universitetet publike 36 609 studentë ose 56,5 %, ndërsa në kolegjet private ishte 28 208 studentë ose 43,5 %.

Numri i përgjithshëm i nxënësve dhe studentëve në sektorin publik dhe privat, 2024/2025

Numri i përgjithshëm i nxënësve dhe studentëve në sektorin publik dhe privat, 2025/2026