Arrestohet grupi që trafikoi armë nga Kosova në Shqipëri
Policia në Shqipëri ka arrestuar katër banorë të Kosovës për trafikim me armë dhe ka sekuestruar dhjetë armë zjarri e municion luftarak. Seksioni për Hetimin e Trafiqeve të Paligjshme pati nisur opera
Policia në Shqipëri ka arrestuar katër banorë të Kosovës për trafikim me armë dhe ka sekuestruar dhjetë armë zjarri e municion luftarak.
Seksioni për Hetimin e Trafiqeve të Paligjshme pati nisur operacionin e koduar “Transportuesi 2”. Gjatë operacionit, në vendparkimin e një terminali autobusësh, në Lundër, u kapën dhe arrestuan në flagrancë shtetasit: B. K., 28 vjeç, B. Sh., 20 vjeç, E. Th., 25 vjeç, dhe M. K., 20 vjeç, të gjithë banues në Kosovë.
“Shtetasi B. K. dyshohet se ka vënë në autobusin me drejtues shtetasin E. Th., një çantë brenda së cilës u gjetën 10 armë zjarri pistoleta, 10 krehra dhe sasi municioni luftarak. Më pas, shtetasi B. K., në bashkëpunim me shtetasin M. K., kanë ndjekur me automjetin e tyre, autobusin, gjatë gjithë itinerarit. Nga verifikimet e kryera ka rezultuar se armët e zjarrit ishin trafikuar në Tiranë, me qëllim shitjen në vlerat 1500-3000 euro. Po nga verifikimet e kryera dyshohet se pronari i linjës së autobusëve, shtetasi E. Th., së bashku me shtetas të tjerë, ka trafikuar armë zjarri drejt Shqipërisë, në disa raste”, ka njoftuar Policia e Shtetit.
Në cilësinë e provës materiale u sekuestruan 10 armë zjarri pistoleta, me krehra dhe municion luftarak, 1 automjet dhe 5 celularë.
Katy Perry e vendos flamurin e Kosovës në “hapësirë”
Shpëtohet mrekullisht një fëmijë pas rënies në ujë në Motrovicë
Dhurata Dora nxeh skenën para Katy Perryt
Gjenden dëshmi se një prej të arrestuarve në Zubin-Potok ishte pjesë aktive e armatës jugosllave
Kosova rikthehet pas shkëputjes trevjeçare, dy shanse për “Oscar”
Maresca mohon bisedimet për largimin e Rodrit
Më të fundit
Të gjitha →
Kosova mposht Serbinë në golf, fitore historike në arenën evropiane
Zja*i te objekti në rrugën “B” në Prishtinë, policia: Nuk ka të lënduar
Prishtina “mbushet” për Sunny Hill: 95% e akomodimeve janë të rezervuara këtë fundjavë
