Ambasadori amerikan: Votimi për ushtrinë, historik për Kosovën
Ambasadori amerikan u shpreh se seanca e nesërme e Kuvendit dhe ceremonia e FSK-së duhet të jenë raste për reflektim për paqe Ambasadori i Shteteve të Bashkuara të Amerikës në Kosovë, Philip Kosnett ë
Ambasadori amerikan u shpreh se seanca e nesërme e Kuvendit dhe ceremonia e FSK-së duhet të jenë raste për reflektim për paqe
Ambasadori i Shteteve të Bashkuara të Amerikës në Kosovë, Philip Kosnett është shprehur se votimi i nesërm në Kuvend i tri ligjeve të FSK-së për trasformimin në ushtri të Kosovës është historik për Kosovën.
Përmes një postimi në Twitter, Kosnett është shprehur se SHBA do ta mbështesë evolucionin organizativ të FSK-së.
“Votimi i nesërm për transicionin e FSK-së është historik për Kosovën. SHBA do ta mbështesë zhvillmin profesional dhe evolucionin organizativ të FSK-së, e cila duhet të luajë një rol pozitiv për Kosovën dhe rajonin, duke reflektuar karakterin shumëetnik të vendit dhe përkushtimin e popullit të Kosovës për paqe”, ka shkruar ambasadori Kosnett.
Sipas ambasadorit amerikan, seanca e nesërme e Kuvendit dhe ceremonia e FSK-së duhet të jenë raste për reflektim solemn dhe ripërkushtim për paqe, stabilitet e prosperitet për Kosovën dhe fqinjët e saj.
“Tani është koha për të gjithë liderët dhe faktorët ta fokusojnë energjinë në dialog”, ka shkruar më tutje ambasadori amerikan.
2/2 the Kosovo people’s dedication to peace. Tomorrow’s Assembly session & KSF ceremony should be occasions for solemn reflection & re-dedication to peace, stability & prosperity for #Kosovo & its neighbors. Now is time for all leaders & stakeholders to focus energy on Dialogue.
— Ambassador Jeff Hovenier (@USAmbKosovo) December 13, 2018
Nesër nga ora 10:00 do të mbahet seanca e Kuvendit të Kosovës ku do të hidhet në votim transformimi i Forcës së Sigurisë së Kosovës në ushtri. Në rend dite do të jetë shqyrtimi i tri projektligjeve: Shqyrtimi i dytë i Projektligjit për Ministrinë e Mbrojtjes, Shqyrtimi i dytë i Projektligjit për Forcën e Sigurisë së Kosovës dhe Shqyrtimi i dytë i Projektligjit për shërbim në Forcën e Sigurisë së Kosovës.
Ndërsa ceremonia në Ministrinë e FSK-së do të mbahet nga ora 17:00.
Komandanti i Komandës së Përbashkët të Forcave Aleate në Napoli, admirali James Foggo dje ka thënë se vendimi i autoriteteve të Kosovës për të transformuar Forcën e Sigurisë së Kosovës në ushtri është vendim sovran dhe NATO-s i mbetet ta respektojë atë./21Media
Nesër ndalohet përkohësisht qarkullimi i kamionëve mbi 20 tonë në autoudhë
Zja*i te objekti në rrugën “B” në Prishtinë, policia: Nuk ka të lënduar
Prishtina “mbushet” për Sunny Hill: 95% e akomodimeve janë të rezervuara këtë fundjavë
Policia shton masat e sigurisë për “Sunny Hill”, paralajmëron bllokime rrugësh
Rrezik për jetën e punëtorëve, pezullohen punimet në dy kantiere ndërtimi në Prizren e Suharekë
Të shtunën i jepet lamtumira e fundit Lisa Milicaj Bajraktarit, RTV21 ju shpeh ngushëllime familjarëve
Më të fundit
Të gjitha →
Maresca mohon bisedimet për largimin e Rodrit
Kosova mposht Serbinë në golf, fitore historike në arenën evropiane
Kundërshtimet ndaj FIFA-s shtohen, edhe Konfederata Aziatike i bashkohet UEFA-s kundër planit të Infantinos
