Ka përfunduar pa fitues ndeshja miqësore mes Kombëtares së Zvicrës dhe asaj të Austrisë.
Pas më shumë se 90 minutave lojë të zhvilluara në stadiumin “Kybunpark”, Zvicra ka barazuar si vendase 1:1 me Austrinë, raporton KosovaPress.
Te “Helvetikët” golin e shënoi Silvan Widmer në minutën e 26’, kurse te Austria golashënues ishte Christoph Baumgartner (minuta e 5’).
Te Zvicra titullar ishte mesfushori shqiptar Granit Xhaka, i cili luajti për 77 minuta, kurse Xherdan Shaqiri u inkuadrua në minutën e 66’, por nuk arriti ta shpëtonte kombëtaren e tij nga barazimi.
Rezultati final, 1:1.
