Zelensky mbërrin në New York për t’iu drejtuar liderëve botërorë

Presidenti ukrainas, Volodymyr Zelensky mbërriti të hënën në New York për Asamblenë e Përgjithshme të Kombeve të Bashkuara. Ai do të takohet me disa liderë botërorë për të nxitur për mbështetje ndërsa Ukraina po ecën përpara me kundërsulmin e saj kundër forcave ruse.

Zelensky është planifikuar gjithashtu të takohet me Presidentin, Joe Biden dhe ligjvënësit amerikanë në Uashington, DC, më vonë këtë javë.

Ndërkohë, luftimet vazhdojnë në pjesën lindore të vendit pasi trupat ukrainase rimorën dy fshatra kyç pranë Bakhmutit.

Mes liderëve të ndryshëm botërorë, Zelensky do të takohet me presidentin brazilian Luiz Inacio Lula da Silva për herë të parë personalisht të mërkurën, tha një zëdhënës. Lufta në Ukrainë pritet të jetë një pikë e rëndësishme në agjendën e asamblesë së liderëve botërorë./21Media