Yllka Gashi merr çmimin “Aktorja më e mirë” në Festivalin e Filmit Scottsdale

Aktorja shqiptare, Yllka Gashi, së fundmi ka fituar edhe një çmim tjetër ndërkombëtar.
Gashi ka marrë çmimin si “aktorja më e mirë” në rol kryesor në edicionin e sivjetmë të Festivalit Ndërkombëtar të Filmit në Scottsdale të Arizonës, kjo u bë e ditur nga vet aktorja përmes Facebook-ut.
Ky është çmimi i tretë i Gashit, derisa para disa ditëve kishte fituar çmimin e aktores më të mirë në Festivalin Spanjoll “Seminci”.
Së fundmi, kinemaja “Cinneplex” ka njoftuar se filmi “Zgjoi” është duke thyer rekorde në shikueshmëri, me mbi 10 mijë bileta të shitura.
Filmi është propozuar nga Kosova edhe për çmimin prestigjioz Oscar./21Media