Me afrimin e shënimit të 13-vjetorit të pavarësisë së Kosovës, në sheshet e Prishtinës janë vendosur flamuj të Kosovës në nder të kësaj feste.
Katër sheshet e Prishtinës tani po duken festive, ngase aty po valojnë flamujt kaltër e verdhë.
Ndërkohë, për organizimin e 13-vjetorit të pavarësisë, qeveria në detyrë ka ndarë 70 mijë euro.
Kështu u bë e ditur në një komunikatë nga Zyra e Kryeministrit, ku janë renditur vendimet e Qeverisë në detyrë.
Po ashtu, është zbardhur edhe agjenda shtetërore e aktiviteteve që do të zhvillohen në tri ditët e ardhshme.
