Komisioni Qendror i Zgjedhjeve ka bërë të ditur se gjatë ditës së martë, 19 janar, ka pranuar aplikimet nga Hashim Thaçi, Kadri Veseli, Jakup Krasniqi, Hysni Gucati, Rexhep Selimi, Nasim Harandinaj dhe Sali Mustafa, që aktualisht ndodhen në objektin e paraburgimit të Dhomave të Specializuara të Kosovës në Hagë.
Sipas KQZ-së, të gjitha aplikimet janë verifikuar personalisht dhe janë regjistruar.
“Komisioni Qendror i Zgjedhjeve falënderon për bashkëpunim administratën e Dhomave të Specializuara. Po ashtu, KQZ falënderon edhe ambasaden e Republikës së Kosovës në Holandë që ka ndihmuar në komunikim me Dhomat e Specializuara“, thuhet në njotimin e KQZ-së.
