Sot në shkollat e Kosovës do të mbahet pjesa e dytë e Testit të Arritshmërisë.
Në ditën e dytë të këtij testi, 23 mijë e 632 nxënës do të vlerësohen për arritjet, njohuritë, shkathtësitë dhe aftësitë e fituara gjatë shkollimit të tyre.
Në këtë pjesë, nxënësit do t’i nënshtrohen testit në lëndët Matematikë, Informatikë, Fizikë, Kimi dhe Biologji.
Ministrja e Arsimit, Arbërie Nagavci ka bërë të ditur se testi mbahet në 176 qendra të testimit.
Ajo ka thënë se pret respektim të rregullave në mënyrë që rezultatet të jenë reale.
