20 trupa të pajetë janë nxjerrë nga rrënojat e një ndërtese banimi në Chasiv Yar e cila u godit nga raketat ruse të shtunën.
Përpjekjet për rikuperim vazhdojnë, tha kreu i administratës ushtarake të rajonit Donetsk, Pavlo Kyrylenko për mediat ukrainase të hënën pasdite.
“Deri tani rreth 72% e rrënojave janë pastruar”, tha Kyrylenko.
Ndërsa, tre persona u vranë dhe 28 të tjerë u plagosën në sulmet në zonat e banuara në Kharkiv të hënën, sipas Oleh Synehubov, kreu i administratës ushtarake rajonale.
Dhe nëntë persona u plagosën në bombardimet në periferi të Mykolaiv, tha Hanna Zamazieieva, kryetare e këshillit rajonal të Mykolaiv, në Telegram të hënën./21Media
