Qeveria investon 8 milionë euro për rrugën qarkore Gjakovë-Prizren

​Haradinaj theksoi se pos kësaj rruge qarkore do ta financojnë edhe auto-rrugën Gjakovë-Dollc

Sot kanë nisur punimet për rrugën qarkore Gjakovë-Prizren, për të cilën Qeveria e Kosovës ka ndarë tetë milionë euro.

I pranishëm ishte edhe kryeministri Ramush Haradinaj, i cili njoftoi se pos kësaj rruge qarkore do ta financojnë edhe auto-rrugën Gjakovë-Dollc në vlerë prej 57 milionë eurosh.

Kurse, ministri i Infrastrukturës, Pal Lekaj lidhur me rrugën qarkore “Gjakovë-Prizren” tha se këtë vit kanë ndarë dy milionë euro, kurse, vitin tjetër do të shtojnë edhe gjashtë milionë euro të tjera.

Ndërsa, kryetari i komunës së Gjakovës, Ardian Gjini, ndër të tjerash njoftoi se në kuadër të kësaj qarkoreje, së shpejti do të nisë realizimi i rrugës për Klinë.