“Për bukën e sofrës”, Kurti e Peci hapin zyrtarisht fushatën e korrje-shirjeve

Është hapur zyrtarisht fushata e korrje- shirjeve në Kosovë. E komuna që fillon e para korrje-shirjet është Lipjani.

Në hapjen e fushatës morën pjesë kryeministri i Kosovës, Albin Kurti bashkë me ministrin e bujqësisë, Faton Peci.

Ky i fundit në rrjetet sociale publikoi një fotografi me Kurtin. “Për bukën e sofrës!”, është përshkrimi që ka lënë mbi të.

Sivjet në gjithë territorin e Republikës së Kosovës, në kuadër të mbjelljeve vjeshtore të vitit 2022 me kulturën e grurit është mbjellë një sipërfaqe prej 71 008.20 hektarë./21Media