PDK me plan për depolitizimin e arsimit në Podujevë, premton shkolla të reja

(Lajm i përditësuar)

PDK me plan për depolitizimin e arsimit në Podujevë, premton shkolla të reja

Kandidati i PDK-së për kryetar të Komunës së Podujevës, Isak Shabani, në debatin zgjedhor në RTV21 ka prezantuar planin për sektorin e arsimit, duke theksuar nevojën për arsim profesional, ndërtim të shkollave të reja dhe kurse praktike për nxënësit.

Ai u zotua se gjatë konkurseve për punësim, vlerësimi i mësimdhënësve dhe drejtorëve do të bëhet mbi bazën e profesionalizmit dhe jo përkatësisë politike, duke kërkuar një depollitizim të plotë të arsimit në komunë.

“Arsimi profesional, ndërtimi i shkollave të reja, kurse. Duhet një depolitizim i arsimit. Gjatë konkursit, vlerësimi do të bëhet në bazë të profesionalizmit të secilit mësimdhënës dhe drejtori,” tha Shabani.

Shabani prezanton programin me 5 shtylla për zhvillimin e Podujevës

Kandidati i Partisë Demokratike të Kosovës për kryetar të Komunës së Podujevës, Isak Shabani, ka prezantuar programin e tij zgjedhor, në RTV21  i cili bazohet në 5 shtylla kryesore të zhvillimit lokal.

“Programi bazohet në pesë shtylla. Do të kemi prioritete të caktuara për secilën shtyllë: zhvillimin ekonomik dhe punësimin, arsimin dhe inovacionin, shëndetësinë dhe mirëqenien sociale, kulturën, rininë, sportin dhe turizmin,” tha Shabani./21Media