Presidentja e Kosovës ka vazhduar takimet e saj me liderët botërorë në margjina të samitit të NATO-s në Uashington.
Pas presidentit Emmanuel Macron, Vjosa Osmani ka takuar sot edhe kryeministrin e Kanadasë.
“Gjithnjë kënaqësi bashkëbisedimi me kryeministrin e Kanadasë, Justin Trudeau. Në Samitin e NATO-s, në Uashington, e falënderova për mbështetjen e palëkundur të Kanadasë për vendin dhe popullin tonë”, ka shkruar ajo në Facebook.
