Kryetari i Sindikatës së Bashkuar të Arsimit, Shkencës dhe Kulturës, Rrahman Jasharaj, ka thënë se Qeveria e Kosovës nga 20 prilli arsimtarët do t’i shohë në grevë.
Jasharaj ka theksuar se Qeveria e Kosovës po heshtë, duke nënçmuar kështu kërkesat e punëtorëve të Kosovës dhe duke treguar mungesë të gatishmërisë për dialog.
Bashkimi i Sindikatave të Pavarura të Kosovës sot ka mbajtur një protestë, ku kanë paraqitur gjashtë kërkesa për Qeverinë e Kosovës, ndër të cilat ishin Ligji i Pagave, Ligji i Sigurimeve Shëndetësore./21Media
