Varianti i ri i koronavirusit Omicron po përhapet në të gjithë globin me një ritëm të paprecedentë, ka paralajmëruar Organizata Botërore e Shëndetësisë (OBSH).
Rastet e variantit Omicron janë konfirmuar në 77 vende.
Por në një konferencë për shtyp, shefi i OBSH-së Tedros Adhanom Ghebreyesus tha se ndoshtaOmicron është edhe në shumë vende të tjerë që nuk është zbuluar ende.
Dr Tedros tha se ishte i shqetësuar se nuk po bëhet mjaftueshëm për të trajtuar variantin, transmeton rtv21.tv.
“Sigurisht, ne kemi mësuar deri tani se ne e nënvlerësojmë këtë virus në rrezik. Edhe nëse Omicron shkakton sëmundje më pak të rënda, numri i madh i rasteve mund të kapërcejë përsëri sistemet e papërgatitura shëndetësore”, tha ai.
Të dhënat e fundit të OBSH-së sugjerojnë se varianti i zbuluar për herë të parë në Afrikën e Jugut në nëntor mund të shmangë më mirë vaksinat ekzistuese dhe mbart një rrezik më të lartë të ri-infektimit, duke e bërë organizatën të thotë se niveli i rrezikut mbetet shumë i lartë.
Një numër vendesh kanë vendosur ndalime udhëtimi që prekin Afrikën e Jugut dhe fqinjët e saj pas shfaqjes së Omicron, por kjo nuk ka arritur ta ndalojë atë të përhapet në mbarë botën./21Media
