Numri i të vdekurve në Odesa rritet në 21, Zelensky dënon ‘aktin e terrorit’ rus

Numri i të vdekurve nga sulmet me raketa ruse në rajonin jugor të Ukrainës Odesa u rrit në 21, pasi një bllok apartamentesh në fshatin Serhiyivka dhe një vendpushim aty pranë u goditën gjatë natës.
Presidenti ukrainas, Volodymyr Zelensky e quajti serinë e sulmeve me raketa një “akt terrori” të qëllimshëm nga Rusia dhe shtoi se “ky nuk ishte një sulm i rastësishëm siç përpiqen ta paraqesin mediat ruse”.
“Ky ishte një sulm me raketa në shënjestër, një akt terrori i kryer nga Rusia, le ta themi troç, kundër qyteteve dhe fshatrave tona, kundër njerëzve tanë, të rriturve dhe fëmijëve”, tha Zelensky.
Sipas shërbimit shtetëror të emergjencës, 21 persona u vranë, duke përfshirë një fëmijë dhe 39 u plagosën në një sulm me raketa në fshatin Serhiyivka, shkruan BBC, përcjell rtv21.tv
Më herët, Zelensky tha se sulmi në Odesa përforcoi urgjencën e Ukrainës për t’u bashkuar me Bashkimin Evropian dhe bëri thirrje për një proces anëtarësimi më të shpejtë./21Media