New York Times për Vuçiqin: Është ngopur duke u quajtur “Putini i vogël”

Lidhjet e presidentit Aleksandar Vuçiq me Moskën ngrenë pyetje të sikletshme pasi Kremlini duket se po nxit trazira në Ballkan për të larguar vëmendjen nga lufta në Ukrainë. Kështu e ka nisur shkrimin e saj për presidentin e Serbisë, prestigjiozja amerikane New York Times.
Sipas NYT, udhëheqësi i Serbisë refuzon emërtimin “Putin i vogël” mes frikës së ndërhyrjes ruse.
“Udhëheqësi i fortë i Serbisë, Aleksandar Vuçiq, është ngopur duke u quajtur një “Putin i vogël” që synon agresionin kundër fqinjëve të brishtë të vendit të tij në Ballkan”, shkruan New York Times, përcjell rtv21.tv
“Unë jam gati dy metra i gjatë”, u shpreh Vuciq në një intervistë në bibliotekën e pallatit presidencial këtë muaj./21Media