Ministria e Financave, Banka Evropiane për Rindërtim dhe Zhvillim dhe Komuna e Prishtinës kanë nënshkruar marrëveshjen për projektin për efiçiencë të energjisë në ndërtesa publike në Prishtinë, e cila kap vlerën e gjashtë milionë eurove.
Ministri i Financave, Punës dhe Transfereve, Hekuran Murati tha se ky projekt ka për qëllim përmirësimin e infrastrukturës së brendshme të ndërtesave publike në kryeqytet.
Ai tha ky projekt është vazhdim i mbështetjes që qeveria po iu ofron komunave në bashkëpinim me partnerët ndërkombëtar.
Këtë projekt e mirëpriti drejtori i Bankës Evropiane për Rindërtim dhe Zhvillim Sergiy Maslichenko dhe kryetari i Prishtinës, Përparim Rama.
