Sipas zëdhënësit të Metës mbledhja do të mbahet në një orar të përshtatshëm
Presidenti i Shqipërisë, Ilir Meta ka vendosur të thërrasë të hënën mbledhjen e Këshillin e Sigurisë Kombëtare.
Lajmi u dha nga zëdhënësi i Kreut të Shtetit, Tedi Blushi në një postim në “Facebook”. Ndërsa theksoi se mbledhja do mbahet në një orar të përshtatshëm në varësi të situatës.
“Në përgjigje të interesimit të vazhdueshëm të mediave në lidhje me një mbledhje të mundshme të Këshillit të Sigurisë Kombëtare, ju sqaroj se: Presidenti i Republikës Sh.T.Z Ilir Meta ka vendosur të thërrasë nesër mbledhjen e Këshillit të Sigurisë Kombëtare, në orën më të përshtatshme, në varësi të situatës”, shkroi Blushi.
