Lama: Edhe ky Raport i Progresit e cilëson Kosovën me një progres të kufizuar

Analistja politike, Alma Lama në ”Click” të RTV21 ka komentuar rekomandimet që kanë dalë nga Raporti i Progresit i Komisionit Evropian për Kosovën.

Sipas Lamës as ky raport nuk ka sjellë përparime, teksa ka shtuar se duke u bazuar në këtë raport shihet se Kosova ka hecur me hapa të vegjël

”Edhe ky Raport i Progresit e cilëson Kosovën me një progres të kufizuar që është një gjuhë diplomatike që përdoret thuajse në çdo raport vit pas viti për Kosovën, për të mos thënë që nuk ka përparim, që do të thotë se Kosova ka ecur me hapa shumë të vegjël”, tha Lama.