🏛️ Politikë
Kurti takon Çedomir Jovanoviq, diskutojnë për raportet Kosovë-Serbi
nga Venera Grabanica3 dhjetor 2023
Kryeministri i Kosovës, Albin Kurti, priti sot në takim politikanin liberal nga Serbia, Çedomir Jovanoviq.
Në një komunikatë për media bëhet e ditur se në takim u bisedua rreth zhvillimeve të fundit në Kosovë dhe Serbi, si dhe raportet ndërmjet dy vendeve.
Kurti e Jovanoviq po ashtu diskutuan mbi nevojën e fuqizimit të sundimit të ligjit në Ballkanin Perëndimor, rëndësinë e demokratizimit të shoqërive dhe institucioneve, pluralizmit politik, respektimit të të drejtave të njeriut dhe të pakicave kombëtare si garant të paqes dhe sigurisë në gjithë rajonin.










