Kurti i thotë Cholletit se Kosova është e përkushtuar që takimi i Ohrit të jetë i suksesshëm

Pak orë para ditës së takimit me presidentin e Serbisë në Ohër të Maqedonisë së Veriut, kryeministri i Kosovës, Albin Kurti, i ka thënë këshilltarit të lartë të Departamentit amerikan të Shtetit, Derek Chollet, se Kosova është e përkushtuar që dita e nesërme të jetë e suksesshme.

Siç bëhet e ditur në një komunikatë për media, të premten në mbrëmje Kurti ka pasur bisedë telefonike me Cholletin.

“U bisedua për rëndësinë që kjo fundjavë ka për Kosovën, rajonin, integrimet Euro-Atlantike dhe sigurinë. Kryeministri theksoi se Kosova është e përkushtuar që dita e nesërme të jetë e suksesshme”, thuhet në komunikatë.

Spoke with Prime Minister @albinkurti about tomorrow’s talks on normalization of relations with Serbia through the EU-Facilitated Dialogue. Implementation will unlock significant benefits for both countries and show commitment to a peaceful future for the region.

— Derek Chollet (@CounselorDOS) March 17, 2023