Kurti e uron Trumpin e SHBA-në për Ditën e Pavarësisë: Qoftë e përhershme aleanca
Kryeministri në detyrë dhe lideri i VV-së, Albin Kurti, ka uruar presidentin amerikan, Donald Trump, dhe SHBA-në për Ditën e Pavarësisë.
Ai ka shkruar se është mirënjohës për bashkëpunimin mes Kosovës dhe SHBA-së në fusha të ndryshme, përfshirë bashkëpunimin në rritjen e kapaciteteve të FSK-së, Ukrainën e refugjatët afganë.
“Jemi mirënjohës për miqësinë dhe krenarë për bashkëpunimin e patneritetin ndërmjet Republikës sonë dhe ShBA-ve në mbrojtjen e po atyre idealeve. Zhvillimi i kapaciteteve të Forcës së Sigurisë së Kosovës, mbështetja për Ukrainën kundër agresionit rus dhe strehimi i refugjatëve afganë dhe qytetetarëve të vendeve të tjera në territorin e Kosovës, janë vetëm disa nga fushat në të cilat bashkërendimi i prioriteteve tona ka shënuar, dhe vazhdon të shënojë, progres të jashtëzakonshëm, si anjëherë më pare”, ka shkruar Kurti.
