Kryeministri i Kosovës, Albin Kurti, ka dhënë detaje të reja për takimin e së hënës me presidentin serb, Aleksandër Vuçiq në Bruksel.
Në mbledhjen e Qeverisë, Kurti, tha se paraprakisht në tekstin e marrëveshjes kanë qenë katër paragrafë, ku është shkruar edhe për planin franko-gjerman dhe dinamizimin për marrëveshje për normalizim të marrëdhënieve
Mirëpo, sipas tij, shefi i politikës së jashtme të BE-së, Josep Borrell ndryshoi premisën për marrëveshje, duke u fokusuar vetëm tek ujdia për targa, rrjedhimisht iu përshtat Serbisë.
Madje, kryeministri Kurti tha se ka pasur edhe një përpjekje të fundit për arritjen e marrëveshjes me përfshirjen konkluzionit për planin franko-gjerman, mirëpo e njëjta u refuzuara nga presidenti serb Vuçiq.
Megjithatë, kreu qeveritar tha se sot në Bruksel është zëvendëskryeministri Bislimi, në përpjekje për të arritur një ujdi.
