Kina ka thënë se është e gatshme të krijojë një partneritet më të ngushtë me Rusinë për çështjet e energjisë për të garantuar sigurinë globale të energjisë.
Presidenti kinez Xi Jinping e bëri njoftimin pikërisht në kohën kur grupi i kombeve G7 përgatitet të vendosë masa të reja mbi eksportet e naftës të Rusisë.
“Kina është e gatshme të punojë me Rusinë për të krijuar një partneritet më të ngushtë energjetik, për të promovuar zhvillimin e energjisë së pastër dhe të gjelbër dhe për të ruajtur së bashku sigurinë ndërkombëtare të energjisë dhe stabilitetin e zinxhirëve të furnizimit të industrisë”, tha Xi.
Deklarata mund të përfaqësojë një zhgënjim për ata që ushqejnë shpresa se Kina mund të kërkojë të distancohet nga pushtimi i trazuar i Ukrainës nga presidenti rus, Vladimir Putin.
Megjithatë, është e mundur që vërejtjet janë kryesisht simbolike dhe nuk pasqyrojnë ndonjë zhvillim të rëndësishëm në marrëdhëniet midis vendeve aleate./21Media
