Sot skuadra e KB Bashkimit do të zhvillojë një nga ndeshjet më të rëndësishme të këtij sezoni, teksa përballet me klubin polak Anwil Włocławek në kuadër të para-kualifikimeve të FIBA Europe Cup.
Përballja zhvillohet në palestrën “Sezai Surroi” në Prizren, aty ku pritet një atmosferë e zjarrtë nga tifozët “Arpagjik’t”. Shitja e biletave do të vazhdojë edhe sot nga ora 12:00 para palestrës, ndërsa dyert do të hapen në ora 18:00.
Pritet që palestra të jetë e mbushur plot, me tifozët që do të mbështesin skuadrën në përpjekjen për një fitore historike kundër një rivali me traditë në basketbollin evropian.
