Edhe sot u intervistua ish-komandanti i UÇK-së, Rrustem Mustafa
Gjykata Speciale me seli në Hagë vazhdoi edhe sot marrjen në pyetje të ish-komandantit të UÇK-së nga zona operative e Llapit, Rrustem Mustafa. Mustafa para nisjes në Hagë deklaroi se është ftuar si “dëshmitar i dyshuar”, me ç’rast dje para intervistimit tha se do të iu përgjigjet të gjitha pyetjeve nga Gjykata Speciale. Të mërkurën pritet edhe intervistimi i ish-komandantit të zonës operative të Drenicës, Sami Lushtakut./21Media
