Një grua 48-vjeçare sot është gjetur e vdekur në fshatin Raskovë të Obiliqit.
Lajmin e ka konfirmuar zëdhënësja e policisë për rajonin e Prishtinës, Flora Ahmeti, e cila ka thënë se rrethanat e vdekjes janë “ende të paqarta”.
“Rreth orës 13:00, në fshatin Raskovë të Obiliqit, është raportuar për një person pa shenja jete. Menjëherë pas marrjes së informacionit, njësitet policore kanë dalë në vendin e ngjarjes, ku në rrethana ende të paqarta një person ka vdekur. Në vendin e ngjarjes ka intervenuar edhe ekipi mjekësor emergjent, i cili ka konstatuar vdekjen e viktimës, (femër), 48-vjeçare”, tha Ahemti.
Trupi i pajetë i viktimës është dërguar për obduksion, hetimet për këtë rast kanë nisur në koordinim të plotë me Prokurorinë.
