Gërvalla: Kosova përgjithmonë mirënjohëse ndaj Presidentit Biden

Ministrja e Punëve të Jashtme dhe Diasporës, Donika Gërvalla, ka shprehur admirimin dhe mirënjohjen e popullit të Kosovës ndaj Presidentit të SHBA-së, Joe Biden.

Në një postim në ”X” Gërvalla theksoi rëndësinë e udhëheqjes së Biden-it dhe kontributin e tij të gjatë për lirinë dhe demokracinë globale.

“Populli i Kosovës e admiron dhe do të jetë gjithmonë mirënjohës ndaj presidentit të SHBA-së, Joe Biden. Udhëheqja e tij në Perëndim dhe kontributi i tij me dekada për lirinë dhe demokracinë globale janë një shërbim për të gjithë botën,” ka shkruar ajo në rrjetin social “X”.