Futbolli kosovar në zi, ndahet nga jeta në moshë të re gjyqtari Rilind Berisha

Opinioni sportiv në Kosovë ka marrë një lajm të kobshëm sot gjatë ditës.

Gjyqtari i ri dhe me perspektivë Rilind Berisha, është ndarë nga jeta në një moshë shumë të re.

Për vdekjen e tij ka reaguar edhe Federata e Futbollit të Kosovës si dhe komuniteti sportiv më gjerë, ku në mesin e tyre ishte edhe trajneri i Rahovecit, Faruk Statovci.

“Lindi na theve shpirtin me ikjen tënde, Allahu të qoftë në lula të xhenetit”, ka shkruar ish-futbollisti i njohur kosovar.

Për vdekjen e gjyqtarit Berisha reagoi edhe FFK-ja përmes një telegrami ngushëllimi.