🇽🇰 Kosova
Ekzekutohen shtesat prej 100 euro për pensionistët dhe fëmijët
nga Venera Grabanica26 dhjetor 2023
Ministri i Financave, Punës dhe Transfereve, Hekuran Murati ka njoftuar se sot kanë ekzekutuar shtesat e njëhershme prej 100 eurove për të gjithë pensionmarrësit dhe fëmijët.
Murati ka bërë të ditur se mjetet për fëmijët janë transferuar bashkë me shtesën e zakonshme mujore, në llogarinë e njëjtë.
“Pas të gjitha përgatitjeve teknike nga stafi i MFPT, sot kemi arritur të ekzekutojmë shtesat e njëhershme për të gjithë pensionmarrësit si në vijim: Pensionistët e moshës, Kategoritë e luftës, Pensionet për aftësi të kufizuara, Pensionet familjare dhe të invaliditetit në punë, dhe pensionet e parakohshme, për ata që marrin më pak se 500 euro”, ka shkruar Murati./21Media
