Kryeministri i Shqipërisë, Edi Rama, në mëngjes ka publikuar pamje të Valbonës nën petkun e bardhë të dëborës.
Rama videon e publikuar në rrjetet sociale e ka shoqëruar me projektin e ri të Fifit, “Diell”.
Postimin e kryeministrit e ka shpërndarë kantautori Flori Mumajesi, i cili ka paralajmëruar se do të bllokojë të gjithë ata që shpërthejnë në komente pa lidhje.
“Bllok e ka kush fillon e shpërthen në komente pa lidhje në profilin tim! Besoj do e kem mirëkuptimin tuaj. Këtu nuk jemi në forume politike të asnjë partie dhe të asnjë programi televiziv. Shijoni pamjen dhe sigurisht këngën”, ka shkruar Flori në Instagram.
Këngën “Diell”, Fifi e krijoi gjatë kohës sa ishte në “Big Brother”.
Kënga e publikuar më 27 nëntor deri tani numëron rreth dy milionë klikime në Youtube./21Media
