Policia ka nisur hetimet për dy vdekje të dyshuara në Prishtinë dhe Zveçan.
Në raportin 24-orësh bëhet e ditur se në Prishtinë, në rrugën “Harun Aliu” është gjetur i vdekur një burrë. Me vendim të prokurorit, trupi i pa jetë i viktimës është dërguar në Institutin e Mjekësisë Ligjore për obduksion.
Edhe në fshatin Korilë në Zveçan është gjetur i vdekur një burrë në shtëpinë e tij. Njësitet policore dhe ekipi mjekësor kanë dalë në vendin e ngjarjes ku edhe është konstatuar vdekja e viktimës. Me vendim të prokurorit trupi i pajetë është dërguar për obduksion dhe Policia ka nisur hetimet.
