Bugaqku: Seanca për formimin e Qeverisë mund të thirrët deri më 19 nëntor

Hulumtuesi i në Institutin Demokratik të Kosovës, Vullnet Bugaqku, në një intervistë pë rtv21 tha se seanca për formimin e Qeverisë duhet të thirren brenda afatit 15 ditor kushtetues, nga data 5 nëntor kur ishte mandatuar Glauk Konjufca nga presidentja Osmani e deri më 19 nëntor.

Sipas tij, mandatari duhet të dal para deputetëve që të kërkojë votë për formimin e kabinetit qeveritar. Bugaqku tha se nëse dështon edhe mandatari i dytë, atëherë sipas Kushtetutës presidentja duhet që brenda 40 dite të shpallë zgjedhjet e jashtëzakonshme parlamentare.

‘’Sipas Kushtetutës dhe disa vendimeve të Gjykatës Kushtetuese është sqaruar se nëse dështohet në raundin e parë për formimin e Qeverisë atëherë presidenti i shtetit ka kompentencë që të caktojë një mandatar tjetër i cili sipas procedurës së njëjtë duhet që brenda 15 ditësh nga dita e nominimit që të dal para Kuvendit dhe të këkrojë votëbesimin për kabinetin e tij qeveritar. Ky afat rrjedhë nga momenti kur presidentja Osmani ka dekretuar Glauk Konjufcën mandatar tjetër për formimin e Qeverisë. Nga data 5 e deri më 19 nëntor Kuvendi i Kosovës ka kohë të mblidhet”, tha Bugaqku./RTV21/21Media