Ka përfunduar derbi mes Llapit dhe Ballkanit, ku ky i fundit edhe matematikisht ka siguruar titullin e kampionit të Superligës së Kosovës.
Pas më shumë se 90 minutave lojë të zhvilluara në stadiumin “Zahir Pajaziti”, Ballkani e ka mposhtur Llapin si mysafir me rezultat minimal 1:0.
Golin e vetëm e shënoi Bernard Karrica në minutën e 73′ të ndeshjes. Me pikët e reja, Ballkani ngrihet në kuotën e 75 pikëve, shtatë më shumë se Llapi në vendin e dytë. Ballkani kompleton het-trik të titujve të kampionit, pasi ky është titulli i tretë me radhë për suharekasit.
