Policia në Mitrovicën e Jugut ka arrestuar sot një person të kërkuar nga Gjykata, për veprën penale “Organizim i skemave piramidale dhe bixhozit të paligjshëm”.
“Gjatë ditës së sotme, polica në Mitrovicën e Jugut , ka arrestuar një person që ishte në kërkim me urdhërese të lëshuara nga gjykata. Pas ndalimit dhe verifikimit, mbi bazën e urdhëresës aktive është arrestuar i dyshuari F. V., 53 vjeçar, shtetas i Republikës së Kosovës, ndaj të cilit Gjykata Themelore në Prizren, kishte lëshuar urdhëresën, për veprën penale ‘Organizim i skemave piramidale dhe bixhozit të paligjshëm'”, bëhet e ditur në njoftimin e Policisë së Kosovës.
Pas arrestimit dhe përfundimit të procedurave policore, sipas urdhëresës së gjykatës, i njëjti është dërguar në vuajtje të dënimit.
