Presidenti i Këshillit Evropian Charles Michel ka bërë të ditur se kërkesa e Ukrainës për anëtarësim në Bashkimin Evropian do të diskutohet në ditët e ardhshme.
”BE qëndron në krah të Ukrainës në përpjekjet për të lehtësuar vuajtjet humanitare të shkaktuara nga agresioni rus dhe për të garantuar sigurinë bërthamore. Solidariteti, miqësia dhe ndihma e paprecedentë e BE-së për Ukrainën janë të palëkundura”, tha ai.
Ndërkohë, presidenti i Ukrainës, Volodymyr Zelensky, gjithashtu postoi në Twitter në lidhje me kërkesat e tij duke ngritur çështjen e anëtarësimit të Ukrainës në BE.
”Populli i Ukrainës e meriton këtë. Ndaloni Rusinë”, tha Zelensky./21Media
